Lulet e verdha që mbulojnë livadhet në stinën e pranverës për kohë të gjatë janë konsideruar vetëm si rrënjë, por me kalimin e viteve është zbuluar se si posedojnë një pako të gjerë me veti shëruese dhe janë të dobishme për shëndetin e njeriut

Luleradhiqet janë të pasura me vitamina A, C, B2, D dhe G, si dhe minerale të dobishme si kalium, kalcium, fosfor dhe hekur

Luleradhiqja ndihmon në rregullimin e punës së veshkave dhe kanaleve urinare, pastrojnë mëlçinë dhe ulin kolesterolin. Lulet e luleradhiqes janë të pasura me proteina, prandaj janë të dobishme për shërimin e anemisë, problemeve të lëkurës dhe çrregullimet e gjakut, ndikojnë mirë edhe kundër depresionit

Pranvera është koha e duhur për të përgatitur mjaltin me luleradhiqe. Kjo ëmbëlsirë ndikon si laksativ i butë, ndihmon në tretje më të mirë, stimulon tretjen dhe oreksin, e njëkohësisht bën ekuilibrin e baktereve të dobishme në zorrë

Me konsumimin e mjaltit nga luleradhiqet më lehtë i hidhni helmet nga organizmi, ujin tepricë, kripën dhe materiet tepricë. Për përgatitjen e mjaltit më së miri përdorni luleradhiqet nga malet dhe livadhet

PËRBËRËSIT:

200 fije luleradhiqe
1 portokall
750 ml ujë
500 gr sheqer kaf
lëng limoni

PËRGATITJA:

Këputini lulet e freskëta dhe pastrojini mirë. Lërini të qëndrojë në diell për 2-3 ditë që të thahen. Pasi të jenë tharë ndajeni lulen e verdhë nga pjesët e gjelbërta, pasi ato janë të idhëta

Hidhini lulet e verdha në një tenxhere, ku do ta shtoni edhe portokallin e qëruar dhe të grirë imët së bashku me ujin. Lërini të ziejnë për 1 orë në temperaturë të ulët. Pastaj kullojeni mirë lëngun, ndërsa lulet dhe copëzat e portokallit hidhini

Lëngun vendoseni përsëri në zjarr në temperaturë të ulët, shtojini sheqerin dhe lëngun e limonit dhe lërini të ziejnë për 30 minuta

Pasi të jetë zierë mjaftueshëm, mjalti juaj çudibërës është gati
Qiteni në kavanoza qelqi të sterilizuar paraprakisht dhe ruajeni në frigorifer