Përshtati në shqip: Blertina Koka

Dieta e duhur do t’ju ndihmojë të kontrolloni nivelet e sheqerit në gjak, të mbani nën kontroll peshën trupore dhe të ndiheni më mirë. Plane të ndryshme të ngrënies mund t’ju ndihmojnë në këto raste

Ndiqni këto këshilla nëse vuani nga diabeti ose edhe për ta parandaluar zhvillimin e kësaj sëmundjeje:

Niseni me baziket

Kujdes me kaloritë që merrni. Kufizoni ushqimet e skuqura, ëmbëlsirat, lëngjet me sheqer dhe gjithçka me kripë ose yndyrë. Fokusohuni më shumë tek perimet, drithërat, proteinat jo vetëm nga burimet shtazore, produktet e qumështit me pak yndyrë, frutat dhe yndyrat e shëndetshme. Duhet të konsumoni çdo pak orë për të mbajtur të qëndrueshme nivelet e sheqerit në gjak. Mjeku mund t’ju ndihmojë të gjeni një dietë që i përshtatet gjendjes suaj shëndetësore

Më pak karbohidrate

Nuk keni përse të hiqni dorë nga karbohidratet sepse vuani nga diabet. Megjithatë, duhet të ndiqni një dietë me pak karbohidrate për ta mbajtur sëmundjen nën kontroll. Një analizë e shkruar nga 225 ekspertë thotë se ky stil i ngrënies duhet të jetë hapi i parë në menaxhimin e sëmundjes, duke qenë se mund të jetë “më i besueshëm në uljen e niveleve të larta të glukozës

Dieta mesdhetare

Kjo dietë e shëndetshme për zemrën ka në përmbajtje shumë fruta dhe perime, si dhe peshk, mish pule, fruta të thata, vaj ulliri, thjerrëza dhe drithëra. Çfarë nuk duhet të konsumoni shpesh? Mish të kuq, gjalpë dhe kripë. Studimet kanë treguar se kjo dietë mund të ndihmojë në mbajtjen nën kontroll të sheqerit në gjak. Mund të konsumoni edhe verë gjatë ngrënies, megjithatë ekspertët rekomandojnë jo më shumë se një gotë nëse jeni grua dhe jo më shumë se dy nëse jeni burrë

Dieta DASH

Ekspertët e ushqyerjes rekomandojnë këtë plan të ngrëni për të ulur tensionin e lartë të gjakut. Kjo dietë e vë theksin tek frutat, perimet, produktet e qumështit me pak yndyrë, mishrat pa dhjamë, peshku, frutat e thata dhe thjerrëzat. Lejon për disa edhe konsumimin e ëmbëlsirave, por me limit. NJë studim i vitit 2011 zbuloi se kjo dietë mund të përmirësojnë ndjeshmërinë ndaj insulinës kur është pjesë e një programi të përgjithshëm të rënies në peshë me aktivitet fizik

Dieta strikte

Qëllimi i kësaj diete është të mbajë të qëndrueshme nivelet e sheqerit në gjak. Vaktet janë 40% karbohidrate, 30% proteina dhe 30% yndyra. Karbohidratet renditen si të mira ose të këqija në bazë të indeksit të glikemisë. Mund të konsumoni ushqime si mishi i pulës apo elb, po jo patate ose të verdhat e vezës. Një studim i vitit 2015 ka zbuluar se ka një efekt pozitiv në mbajtjen nën kontroll të glikemisë dhe peshës trupore, prandaj mund të jetë një zgjedhje e mirë. Gjithsesi, flisni më parë me mjekun

Kujdes me peshën

Keni disa “pikë për të shpenzuar” ndërsa ushqeheni. Shumë nga perimet kanë zero pikë, kështu që mund të konsumoni sa të doni prej tyre, ndërsa ushqimet e shpejta dhe ëmbëlsirat vlerësohen me shumë pikë. Prandaj duhet të keni kujdes me to. Studimet kanë treguar se kjo mënyrë është efektive për menaxhimin e sëmundje, duke e kombinuar edhe me aktivitetin fizik

Dieta Paleo

Ideja pas kësaj diete shumë popullore është ushqeheni si në kohërat e lashta, ku njerëzit kishin si burim kryesor gjuetinë. Kjo do të thotë jo produkte të qumështit, të ëmbla të rafinuara, drithëra ose thjerrëza, jo vajra vegjetalë të përpunuara, si vaj soje apo kanola. Mund të konsumoni fruta dhe perime, si dhe mishra me dhjamë, peshk, fruta të thata dhe fara. Mund të tingëllojë e shëndetshme, megjithatë ka shumë pak studime shkencore se si kjo dietë ndikon te diabeti

Dieta pa gluten

Gluteni është një lloj proteine që gjendet tek drithërat si elbi, gruri dhe thekri. Njerëzit me çrregullime të sistemit tretës, si sëmundja celiake, duhet ta shmangin glutenin. Mendohet se dieta pa luten ndihmon për rënien në peshë, përmirësimin e tretjes dhe rritjen e energjisë. Megjithatë, këto pretendime nuk janë të konfirmuara nga ana shkencore. Nuk duhet ta ndiqni këtë dietë, vetëm nëse jua rekomandon mjeku

Ushqimet e paziera

Njerëzit që ndjekin këtë dietë besojnë se gatimi në temperatura të larta shkatërrojnë lëndët ushqyese vitale në ushqim. Ata konsumojnë më shumë produkte të freskëta, fruta të thata dhe gatuajnë më shpesh me pajisje si shtrydhëse dhe dehidratues. Edhe pse ushqyerja në këtë mënyrë mund t’ju ndihmojë të bini në peshë, nuk ka të dhëna që ajo mund të përmirësojë simptomat e diabetit

Për t’u vënë theksi: Këto janë dietat më të shëndetshme dhe më efikase deri tani

Dieta agjëruese

Të gjitha dietat agjëruese bazohen tek ideja që periudha të shkurtra agjërimi ndihmojnë për të rënë në peshë dhe ndoshta luftojnë sëmundjet kronike. Por, mos ushqyerja për perudha të gjata kohe mund të jetë e rrezikshme për dikë që vuan nga diabeti. Mund të çojë në probleme si rënia e niveleve të sheqerit në gjak dhe dehidratimi