Shumë herë mund t’ju ketë ndodhur që njerëz të afërt me ju të kenë reaksion nga konsumimi i ushqimeve të caktuara.

Ky reaksion nuk është shkaktuar gjithmonë nga një alergji, ndoshta mund të bëhet fjalë për një intolerancë ushqimore.

Por njerëzit i ngatërrojnë këto dy probleme me njëri-tjetrin, pasi simptomat janë të ngjashme.

Dallimi kryesor që ju duhet të dini është se alergjia shkakton një reaksion në trup, dhe prek disa organe ose një aparat të plotë.

Nëse alergjia nuk trajtohet në momentin e duhur atëherë ajo mund të jetë vdekjeprurëse. Ndërsa intoleranca ushqimore është një problem i cili prek tretjen dhe fokusi i tij është tretja.

Intoleranca ushqimore mund të shkaktohet nga mungesa e një enzime specifike e cila bën të mundur tretjen e një ushqimi të caktuar.

Nëse keni dëgjuar për intolerancën ndaj laktozës, atëherë ky është një shembull.

Ndjeshmëria ndaj disa përbërësve mund të shkaktojë një helmim. Atëherë edhe kjo është një intolerancë e caktuar.

Trupi i njeriut mund të jetë i ndjeshëm ndaj disa lëndëve të caktuara ushqimore, ose suplementeve që iu shtohen këtyre lëndëve për t’i ruajtur.

Tek frutat e thata kemi përdorimin e sulfateve, prandaj shumë njerëz helmohen, sepse bakteret e gjendura tek sulfatet shkaktojnë probleme mjaft të rënda me tretjen./shije