Ringrohja e ushqimit në mikrovalë mund të jetë një arsye për t’ju helmuar, nëse nuk tregoheni të kujdesshëm. Sipas “U.K.’s National Health Service” (NHS), orizi i mbetur në fakt mund të jetë mjaft i keq për ju. Nëse nuk dini se si ta ringohni ai mund të kthehet në një problem shëndetësor.

Orizi i papjekur shpesh përmban spore (qeliza të afta për t’u riprodhuar shpejt), ose ‘bacillus cereus’, një bakter që mund të shkaktojë helmim ushqimor. Ato mund të mbijetojnë edhe kur orizi është gatuar ashtu siç duhet. Nëqoftëse orizi është lënë jashtë në temperaturë dhome, pasi është zier, sporet mund të rriten dhe këto baktere në fund të fundit do të shumohen dhe do të prodhojnë toksina që mund të shkaktojnë edhe të vjella apo diarre.

Kur orizi është më shumë i gatuar dhe është lënë në temperaturën e dhomës, ka më shumë të ngjarë që bakteret do të rriten dhe të bëjnë që orizi të jetë i pasigurt për të ngrënë. Pra, si mund të rrisni shanset tuaj për të shmangur helmim nga ushqimi krejt?

Së pari, orizi duhet të përdoret sa më shpejt që të jetë gatuar. NHS rekomandon paketimin dhe vënien e tij në frigorifer brenda një ore pas gatimit. Dhe mos e lini atë në frigorifer për më shumë se një ditë.