Funksioni i gjendrës tiroide është i rëndësishëm për humbjen e peshës. Trupi juaj reagon në mënyra të ndryshme lidhur me përvojat e ushqimit në varësi të shijes, aromës si dhe cilësisë së ushqimit. Nëse hani ushqim të njëjtë, ai mund të bëhet i mërzitshëm dhe në këtë mënyrë shqisat tuaja do të kërkojnë diçka të re, më ndjellëse.

Për shembull, nëse ju po ndiqni një dietë me karbohidrate të ulëta, detyrimi për të shmangur sheqerin mund të kthehet në problematik, sepse organizmi juaj kërkon të “shuajë” mallin me të. Kështu, në këto kushte ju mund të hani një çokollatë të tërë, pa marrë parasysh kaloritë.

Receptorët për shijet e hidhura kanë një rol shumë të rëndësishëm në metabolizëm, në gjendrën tiroide dhe në peshën e trupit. Duke përfshirë zarzavate apo perime të tjera në dietën tuaj, ju nuk do të merrni peshë shtesë.

Trupi gjithashtu kërkon një ekuilibër në llojet e ushqimeve që hani. Nëse keni pasur proteina për mëngjes, ndoshta ju ka shkuar në mëndje për diçka me karbohidrate në drekë ose darkë. Dhe, asnjëherë mos e privoni trupin tuaj nga ushqimet që ju kërkon organizmi.

Por, cila është zgjidhja që do t’ju ndihmojë të keni peshë normale?

Trupi ynë ka një tendencë për të balancuar ushqimin, ndaj duhet të provoni të gjithë spektrin e shijeve gjatë ditës, në ngrënien e çdo vakti. Nëse ju hahet një çokollatë për ëmbëlsi, në vend të saj hani një karotë, një dardhë ose një patate të ëmbël. Nëse preferoni një shije të hidhur hani një patëllxhan të gatuar sipas dëshirës tuaj.

Për shije të thartë mund të rrëmbeni një mollë jeshile, ndërsa për shije të kripur hani perime ose sallatë të kombinuara me pak kripë.

Kështu ju stimuloni dhe aktivizoni bakteret e dobishme të hundës, fytit dhe gojës, duke rritur metabolizmin e trupit. Gjendra tiroide fillon të punojë më mirë dhe poashtu edhe sistemi i tretjes. Pra, përpiquni të hani çdo gjë që kërkon organizmi juaj, duke i zëvendësuar disa prej ushqimeve me disa të tjera për shkak të sheqerit të lartë, shijes së kripur etj