Patëllxhanë imam bajalldi

Patëllxhanë imam bajalldi

Përbërësit

Për 4 - 5 persona
5 copë patëllxhanë mesatare
½ kg qepë
½ kg domate
200 – 250 gr vaj
kripë
majdanoz
piper
pak sheqer

Patëllxhanë imam bajalldi

Hapat

1

Për të gatuar këtë gjellë më parë zgjedhim patëllxhanët, të cilave u heqim me thikë gjysmën e bishtit dhe pjesët e gjetheve përqark fundit të tyre.

2

Me majën e një thike çdo patëllxhani i heqim nga tre apo katër vija të thella, por jo deri aty sa të çahen deri në fund.

3

U hedhim kripë në të prerat dhe i lëmë ashtu siç janë deri në gjysmë ore.

4

Pastaj i kullojmë mirë e i skuqim me vaj.

5

Me vajin që mbetet nga skuqja e patëllxhanëve, skuqim qepët të cilat i kemi prerë feta – feta, hedhim dhe disa feta domateje, majdanozin të grirë trashë.

6

I mbushim patëllxhanët nëpër të çarat e tyre.

7

Në këtë lloj gjelle shkojnë shumë hudhrat (sipas dëshirave), thelpinjtë e të cilave i presim për së gjati dhe ua futim patëllxhanëve bashkë me mbushjen tjetër.

8

Po qe se tepron pak qepë e skuqur e shtrojmë atë në fund të tavës dhe pastaj i radhitim patëllxhanët.

9

U hedhim disa feta të domateve sipër, pak kripë e piper dhe të gjithë vajin që skuqëm qepën, shtojmë pak ujë e pastaj i futim në furrë për rreth një orë.

10

Furra të mos jetë shumë e nxehtë.

11

Për gatimin e kësaj gjelle ka disa mënyra, por në rastin konkret kjo gjellë kërkon të jetë si me shijë të ëmbël, por edhe vaji të jetë i bollshëm.

Komento ose bëj një pyetje