Bukë franceze me rrush të thatë

Bukë franceze me rrush të thatë

Përbërësit

250 gr tipi manitoba
1 lugë e vogël kripë
3 lugë sheqer
15 gr maja birre
180 ml qumësht
80 gr gjalpë ne temp. ambienti
100 gr rrush i thatë
70 ml rum
1 vezë
Krem pastiçerie

Bukë franceze me rrush të thatë

Hapat

1

Vendosni qumështin të ngrohet dhe shkrini në të majanë e birrës. Bashkoni miellin me sheqerin dhe kripën. Përzieni dhe bëni një gropë në mes. Shtoni në të qumështin dhe filloni zini brumin derisa të keni një brumë homogjen, elastik dhe paksa ngjitës.

2

Vendosini në një enë të bollshme dhe mbulojeni me qese kuzhine, lëreni të vijë për rreth 3 orë. Ndërkohë, përgatisni kremin e pastiçerisë.

3

Rrushin vendoseni te rumi dhe lërini të njomet.

4

Pasi ka kaluar koha,vendoseni brumin në një banak pune të pluhurosur me miell dhe shtrijeni me okllai derisa të keni një petë 1 cm trashësi.

5

Lyeni sipërfaqen e saj me një pjesë nga gjalpi. Palosni anën e majtë deri në mes të petës, pastaj mbulojeni me të të djathtën. Palosni pjesën e sipërme deri në mes dhe mbulojeni me të poshtmen.

6

Mbulojeni me qese kuzhine dhe vendoseni në frigorifer për 15 minuta. Hiqeni, hapeni përsëri brumin, lyeni sipërfaqen me pak nga gjalpi i mbetur, paloseni si më sipër dhe vendoseni përsëri në frigorifer.

7

Përsëriteni këtë procedurë edhe 2 herë të tjera. Pastaj hapeni brumin në një petë drejtkëndore sa më hollë të mundeni. Shtrydhni rrushin nga rumi dhe bashkojeni me kremin e pastiçerisë. Lyeni gjithë sipërfaqen e petës me kremin e pastiçerisë.

8

Mbështilleni petën në formën e një roleje dhe pritni pjesë prej saj në trashësinë 2 cm. Vendosni roletë që pretë në një tavë me letër furre poshtë larg njëra-tjetrës. Shtypini paksa me duar dhe lërini të vijnë për rreth 2 orë në sobën e fikur.

9

Rrihni vezën me një lugë të vogël sheqer dhe lyeni sipërfaqet e roleve me të. Vendosini të piqen në 200° për 12-15 minuta.

Për më shumë, shkarko aplikacionin:

Komento ose bëj një pyetje