Receta Gatimi Te Ndryshme

Kuzhina mbarëshqiptare është e njohur për vlerat e saj të larta ushqyese dhe shijen shumë të mirë. Pothuajse çdo trevë ofron specialitete të veçanta, të cilat pasurojnë kuzhinën tonë. Gatimi i piteve të ndryshme, madje edhe të atyre autoktone, është i përhapur në të gjitha vendet e banuara me shqiptarë.

Pitet, si: lakrori, përpeqi, flija e grytë dhe e misrit, kryelana, kungullori, pite me presh, pite me groshë (specialitet i Shkupit), me qepë, me plëndës, me mish pule, samsa, mantia, kollpite, këto dhe shumë të tjera, janë ushqime tradicionale. Në gatim mund të dallojnë pak a shumë, sepse sipas shijes ato modifikohen si në gatim dhe përbërës gjithashtu.

Ekziston një listë e gjatë e gatimit tradicional edhe me zarzavate të ndryshme, qoftë në tava ose tenxhere, me mish ose pa të. Gatimet e tilla zakonisht zihen më gjatë dhe në zjarr të ngadalshëm, prandaj edhe kanë një shije të jashtëzakonshme, ku shijohet edhe elementi i pestë i gjellës.

Kuzhina shqiptare është një përzierje e influencave të kuzhinës orientale (kryesisht sa u përket gjellëve) dhe të vendeve përreth, mirëpo politika dhe kuzhina kanë qenë dhe mbesin dy gjëra të ndara.

Duhet gjetur kohë për të gatuar me dëshirë dhe dashuri,sepse fëmijët shpejt rriten, kurse aromën e këndshme të kuzhinës së fëmijërisë, ua kemi borxh nënave dhe gjysheve, e ajo aromë nuk harrohet kurrë.

Faqja jonë ka mbi 1000 receta të postuara, të kategorizuara në seksionet që gjendet më sipër. Shpresoj se do të ju ndihmojnë sado pak.

Receta gatimi te ndryshme