Pastrimi i furrës është puna që askujt nuk i pëlqen. Veçse për fat të keq është e vetmja gjë që duhet të bëni tani. Përgatiteni vetë këtë përzierje të veçantë për ta bërë furrën xixë. Mbetjet në furrë mund të jenë jo vetëm toksike ndonjëherë, por ndikojnë edhe shijen e ushqimit që po gatuani.

Përgatitja

Përgatiteni vetë një përzierje të veçantë me sodë buke dhe uthull të holluar në ujë. Rezultatet më të mira fitohen kur furra është e ngrohtë.

Nëse furra sapo është përdorur, ju mund ta higjienizoni duke vendosur në të një tigan të mbushur me pak ujë dhe lëngun e 3-4 limonëve. Lëreni për rreth 30 minuta në 180 gradë Celsius dhe pastaj fshini muret e furrës me një leckë.

Një pjesë e furrës pastrohet me vështirësi në brendësi të derës prej qelqi. Merrni një përzierje shumë të dendur me sodë buke dhe ilaç enësh dhe mbuloni gjithë sipërfaqen prej qelqi. Lëreni për 30 minuta dhe pastaj lajeni.