Ka njerëz që e duan shumë këtë ushqim, ka të tjerë që nuk e gatuajnë kurrë në shtëpinë e tyre. Por, edhe nëse nuk i pëlqeni fasulet, duhet të përpiqeni t’i shtoni në dietën tuaj sepse janë një superushqim për shëndetin.

Ju njohim me një gamë të gjerë arsyesh se pse duhet t’i hani fasulet dhe me vlerat ushqyese të tyre:

1. Fasulet janë të pasura me fibra. Kur ju i konsumoni ato, ndiheni të ngopur gjatë gjithë kohës, dhe kështu ju krijojnë mundësinë të mos hani shumë dhe të mos shtoni në peshë.

2. Janë lehtësisht të tretshme sepse përmbajnë dy lloj fibrash: të tretshme dhe të patretshme. Prania e fibrave ndihmon dhe parandalon problemet me kapsëllkun.

3. Mund t’i gjeni në lloje dhe ngjyra të ndryshme. Nuk është e thënë t’i gatuani për ditë, por nëse i përgatisni siç duhet, me siguri që nuk do t’ju mërziten.

4. Disa lloje fasulesh kanë një indeks të ulët të glicemisë. Një nivel i ulët i glicemisë do të thotë se fasulet ndihmojnë për të mbajtur të balancuar sheqerin në gjak. Kjo nënkupton se ata janë ideale për të luftuar diabetin.

5. Veprojnë si bllokuese të kolesterolit, veçanërisht të kolesterolit të keq që gjendet në muret e enëve të gjakut. Një studim ka zbuluar se fasulet mund të zvogëlojnë nivelet e kolesterolit të keq me 5 për qind.

6. Janë të mira për zemrën tuaj për shkak se përmbajnë kalium dhe magnez, që janë shumë të domosdoshme për zemrën. Duke ulur kolesterolin, si rrjedhojë ndihmon në uljen e rrezikut të një sulmi në zemër.

7. Fasulet përmbajnë hekur, mungesa e të cilt çon në anemi. Nëse jeni anemik, qelizat e kuqe të gjakut janë më të ulëta seç duhet të jenë. Ndaj, duhet të kosnumoni fasule në mënyrë që të merrni sa më shumë hekur dhe vitamin C, e cila ndihmon trupin tuaj të absorbojë hekurin me bazë bimore./shije