Janë të shumta idetë që mund t’ju sugjerojmë, për të nisur mbarë vitin 2017, që të arrini objektivin e të qënit më të bukur, më të shëndetshme, me më pak kilogramë të shtuar, apo me më shumë imunitet. Ja cila janë disa prej tyre:

Mësoni një teknikë të re në kuzhinë

Duke mësuar aftësi të reja në kuzhinë, gatime të reja, do të rritet besimi te aftësitë që keni, mund të zgjeroni llojin e recetave dhe mund të kënaqeni më shumë. Në faqen tonë të internetit ju mund të gjeni shumë video receta, jo vetëm për të kaluar kohën, por edhe për t’i mësuar duke rritur besimin në aftësitë tuaja.

Të ndjeheni të shëndetshëm

Dietat që stafi i revistës “Shije” rekomandon, sjellin një qasje të balancuar te ushqimet e shëndetshme dhe një dietë sa më të ekuilibruar. Shumë dieta ofrojnë plane ushqimore me kalori dhe proteina, që ndihmojnë në mbajtjen e formave të rregullta trupore.
Ka këshilla për ata që duan të bëjnë palestër, për ata që duan të ushqehen shëndetshëm, por edhe për ata që duan të shtojnë në peshë.

Provoni gatimin e një kuzhine ndryshe

Të provosh një kuzhinë krejt të re është një objektiv që mund t’ia vendosni vetes këtë vit. Sillni shije të freskëta në tryezën tuaj, me receta të shteteve fqinje, nga ato më tradicionalet italiane, greke apo turke, por edhe nga vende si Brazili dhe Karaibet, nga kuzhina marokene dhe vietnameze.
S’ka rëndësi se nga cili shtet vijnë, stomaku juaj do t’ju falenderojë …

Gjeni kohë për drekë

Gjithnjë të zënë me pun, nuk kemi kohë për të ngrënë diçka me vlera ushqyese ose të shijshme. Pra, këtë vit duhet më shumë vëmendje për vaktin tuaj të drekës, si thoni?
Një tas i mbushur me supë, sallatë, sanduiç apo çdo lloj ushqimi tjetër nga shtëpia, do t’ju kursente para dhe do t’ju jepte me shumë shije.

Provoni të hënat pa mish

Shumë studime sugjerojnë se të konsumosh shumë mish të kuq gjatë javës mund të jetë zakon i keq. Planifikoni një ditë pa mish në javë dhe kjo mund të jetë e hëna.
Në faqen tonë mund të gjeni shumë receta të tilla, si edhe receta vegjetariane, që mund t’ju shërbejnë për ta eliminuar një ditë mishin, por edhe t’ju shijojnë në fund të fundit./shije